📍莆田 (銅鑼灣)
銅鑼灣波斯富街99號利舞臺廣場7樓A舖
======================================
同朋友黎食飯，咁啱係莆田鰻魚節🥳好吸引呀😍😍😍佢地之前都舉行過莆田食材節，會選用一啲新鮮海鮮食材做主題💕
.
鐵板香煎鰻魚 (5/5)
一上枱已經聞到香噴噴既味道，仲要滋滋聲，真係流哂口水🤤熱辣辣，煎到金黃色既皮非常脆，咬既時候有陣油香滲出黎😍肉質厚而嫩滑，仲好彈牙😋聽講佢地係將活鰻魚鮮運到港🤩新鮮食材唔洗太花巧既烹調方式都已經可以煮出鮮味👍🏻真係必食！
.
冰浸苦瓜 (4.5/5)
個賣相好靚，整到朵花咁🌷食落冰涼爽口，唔算好苦！😉佢仲會俾埋蜜糖🍯你點黎食，不過我自己覺得唔點都好好食，可以食到苦瓜既甘苦味😎
.
莆田扁肉湯 (4.5/5)
個湯好好飲，好鮮甜😌扁肉細細粒，皮薄但都好啖啖肉☺️加埋紫菜，又唔會好咸，正！👏🏻
.
興化炒米粉 (4.5/5)
唔好睇佢賣相好似好普通😜原來呢個炒米粉係列入咗非物質文化遺產嘅一道菜😱米粉用純大米做，再係太陽下自然曬乾，所以食落好有米香味！🥰炒得都好乾身，配料仲好多添，有蝦、蜆、花生、菜等等，又香又夠味😉
.
閩香洋燒排 (3.5/5)
肉好淋，又啖啖肉。醬汁酸酸甜甜，味道都唔錯😁
Search